If only I knew

دايما لما كنت بسمع حوار "لو علمتم الغيب لاخترتم الواقع" كانت بتضايقني فشخ - بالمناسبه هي مش حديث و لا ليها اي علاقه بيه اصلا، دي حاجه حد هبدها كده و الناس كملت وراه. المهم مش ده موضوعنا. فكره اني لو كنت اعرف نتجه قراراتي اكيد حاجه جامده فشخ، اصل الواقع بتاعي خره اصلا، فصباح الفل اكيد فيه possibilities كتير احسن من ده. تخيل كام حاجه كان ممكن تبقي اجمل لو عرفت ترجع و تغيرها، او قبل ما تعملها رحت مطلع البلوره السحريه من تحت السرير و عرفت انها هتبوظ فعملت الصح او ايا كان يعني، اكيد الحياه هتبقي افضل

دلوقتي بقي بعد سنين من التفكير، لقيت نفسي وصلت لفكره مختلفه، لو احنا نقدرنعرف نتيجه افعالنا و ايه الي هيحصل او نقدر نرجع و نغير الي عملناه، فمش هيبقي في معني ل our own individual life. كل حاجه حلوه فحياتك انت مبسوط بيها علشان انت عارف انك تعبت فيها علشان تعملها و انك خدت الrisk و عشان كده انت بتحب انك ت take credit for it. لكن لو انت فضلت ترجع بالزمن و تجرب كام مره لغايه ما ظبطت، فمفيش انجاز فكده يعني، و كل الناس هتبقي جلوه و ناجحه و شاطره و كل حاجه. احنا كبشر نتيجه ملايين السنين من التطور و الي بيميزنا بجد ان احنا عندنا sense of individuality عالي جدا، فبنقدر مجهودنا الشخصي جدا و نتبسط جدا لما نعمل حاجه حلوه و نبقي حاسين قد ايه احنا مختلفين جدا عن باقي الناس و الناس تفضل تقولك عاش و بتاع و كده. و لو فكرت هتلاقي ان احنا بنعمل اي حاجه عشان to be credited for it، لو كل الناس بتاخد نفس الدرجات و محدش هيتميز بالعلم، فاكيد محدش هيتعب و يتمرمط عشان يتعلم حاجه جديده. لو كل الناس هتاخد نفس المرتب، فمحدش هياخد risk فشغله. و لو كلنا هنخش الجنه، محدش هيصلي و هكذا.

الدافع الي بيخلينا نعيش هي ان ال reward system بتاع دماغنا بيخليك تفرح لما تعمل حاجه حلوه، و نتيجه سنين من التطور الموضوع كله بقي عباره عن ان احنا متبرمجين ان احنا ن maximize المتعه دي. نفس الحاجه بالظبط زي لما تبرمج AI يعمل حاجه وتبقي بتديله score بناءا علي اداءه و يبقي الهدف انه يجيب اعلي score ممكن. او لما تكون بتدرب الكلب بتاعك و تديله حته سكر لما يسمع الكلام، الكلب نفسه ياكل سكر علطول فبيسمع الكلام علطول. (المقارنه controversial عارف بس خلينا نتكلم عنها بعدين). عارف ان تفاصيل حياتنا اعقد من كده بكتير، بس you got the point، فالاول و الاخر كلنا بنحاول نزود متعتنا فالحياه ايا كانت نوعها و ده الي بيبسطنا، و لو كلنا نقدر نغير الي حصل او نعرف نتيجته مستقبليأ، ساعتها مش هيكون فيه اي اختلاف بينا، و كلنا هنبقي زي بعض و محدش هيبقي مبسوط، لان نجاحنا كله relative للناس التانيه، يعني انت مبسوط انك الاول علي الدفعه عشان باقي الناس جابوا درجات اقل منك، و انتي مبسوطه عشان انتي اجمل واحده و الباقين اوجش منك، و هكذا.

احلي حاجه بقي ان ال subconscious بتاعنا مبينساش زينا، تبقي قاعد كده لا بيك و لا عليك و لا حواليك، قاعد في المواصلات، في محاضره ممله، او قبل ما تنام كده، و فجاه دماغك تجبلك اوسخ موقف او حاجه عملتها و تفضل تنكد عليك، ساعتها ممكن فعلا تضحي باي حاجه و ترجع تغير الحاجه دي، و كان حياتك كلها بحلوها و مرها اختصرت في موقف واحد بس و انت بوظته. الموضوع مش مأسوي جدا، بس الفكره انك حتي لو وصلت لسلام صوري كده مع نفسك فاللاوعي بتاعك لسه موصلش لل inner peace ده. و مفيش شعور اقوي من الندم علي الخره الي انت عملته، و اسوأ نوع منهم لما تخسر حاجه او حد بتحبه. لو خسرت فلوس، درجات، مسابقه، او اي حاجه ماديا ف(نظريا) تقدر تحاول تاني و ممكن تظبط معاك.

بس لو واحد عاش طول حياته فاكر انه independent فشخ و مش محتاج حد، و فجاه والدته تموت، او اي حد بيحبه من اهله، و بعد فتره يعرف انه محدش اهتم بيه او حبه قد كده و خلاص ماتت فشكرا مش هتعرف تعمل حاجه. او صاحب عمرك الي الحياه بعدت بينك و مهتمتش انك تتعب زياده عشان تفضل متواصل معاه، و فدماغك انت هتقدر تكون صداقات تاني و دي سنه الحياه و الكلام الخره دي، بس دلوقتي you are so lonely بس صباح الفل انت خسرت صاحبك خلاص. او استني، حبيبتك/حبيبك الي قررت فمره انه خانقك فشخ فقررت تفكس، و الحياه كملت عادي و بعدين اكتشفت انك محبتش فحياتك قده.

الناس الي تعرفني، عارفه اني مش شخص emotional تماما، و الي ميعرفنيش، فاديك عرفت. الفكره ان الندم ده هو شعور اقوي بكتير جدا من شعورنا بتميزنا الشخصي، ممكن تبقي ناجح و شاطر و حياتك كويسه، بس دماغك لسه بتغتصبك بالحاجات دي. و صراحه مفيش حاجه تقدر تتغلب علي الشعور ده. there is nothing that I wish more than having those ones back، فلو انت زي حالاتي كده، اتفضل خش اوضتك و اجلد نفسك شويه، ولو انت بمعجزه ما عرفت توصل لسلام نفسي فشيخ، فانا مستعد ادفع اي حاجه و اغير ده.