السؤال الثاني: من سيربح المليون؟
بقالنا سنين بنسال السؤال ده و ملهوش اجابة. طبعا انت فارق معاك انت هتكسب ولا لأ؟ اقولك انا لو افترضنا انك دخلت برنامج من سيربح المليون ايه فرص اتك تكسب. البرنامج اتعمل منه 10 مواسم بمتوسط 28 حلقة كل موسم يعني حوالي 280 حلقة، لو قلنا في المتوسط بيبقي فيه 2 متسابقين في كل حلقة يعني تقريبا فيه 560 واحد دخلوا البرنامج كام واجد كسب؟ 5 بس! يعني فرصة انك تكسب هتكون 0.89 % (مش وحش ربنا معاك). طيب لو قلنا انك مش هتتعب نفسك و تخش البرنامج و بتاع و هتجرب حظك في lottery الي هوا اليانصيب، ممكن تكسب ولا لأ؟ في امريكا مثلا لو فيه simple lottery game هتكون من 6 اعداد (مثلا 1 6 23 5 33 4) و في الاختيار بيختاروا الستة اعداد (الي بتحدد مين البطاقة الي هتفوز) من الارقام من 1 ل 48. يعني فرصة انك تكسب هيا 1/12,271,512 تقريبا 0.000008149% (مبروووك) عشان تاخد بالك النسبة دي اد ايه، فرصة انك تتصعق بالبرق في امريكا هي 1/3,070,000
بس! يعني ان احتمالية ان صاعقة تضربك من السماء اكبر تقريبا 4 مرات من انك تكسب مليون جنيه.
يبقي اجابة السؤال "من سيربح المليون؟" هي اكيد مش أنت! و هو ده الجواب الفصيح!
No comments:
Post a Comment