ايه الي تقدر تعمله في 20 سنة؟

في الوقت الي انتا بتشوف فيه الكلام ده، هكون انا تميت شاكب راكب كده 20 سنة. للأسف انا معنديش ثقافة الاحتفال باعياد الميلاد، عشان مكنتش بحتفل بيها و انا صغير، و لما كبرت بقيت كائن كئيب (شوية) و لقيت الموضوع مش جايب همه الصراحة، عشان كل المحاولات السابقة من اصحابي او العائلة انتهت بفشل شديد. في حالتي، الناس الي كانت بتعملي عيد ميلاد كان غالبا عندهم مشاكل نفسية، لأن الموضوع كان بيتلخص في يا أما اصحابي بيضربوني كنوع من المزاح و الفرح الي ملوش اي تلاتين لازمة، او رقص شعبي شديد العشوائية، و طبعا لا مانع من بعض النكات البايخة و القلش المعتاد. أما العائلة الكريمة فقد حاولت معي مرة في احياء هذه الطقوس، لما اكملت 16 سنة و كان الموضوع كارثي جدا. الناس كلها بتتنافس انها تفتكرلك موقف قذر لما كنت صغير و يختموا الحدوتة ب "....شوفت انت كبرت ازاي، بس لسه عبيط" و يصاحبها قهقهة عالية يتخللها التهام قطع من التورتة. باختصار لو بتفكر تعملي عيد ميلاد، فانا بقولك بلاش. و مش لازم تعمل حاجة لأن بصراحة مش هيفرق معايا اوي عشان الاسباب السابقة، بس هتحط عليا ضغط نفسي عشان اعبر عن امتنان و شكر زائفين. و لكن لو هتجيب هدية روشة فلا مانع اطلاقا، اه والله!

المهم ان 20 سنة ديه مدة محترمة كفاية كبني ادم عايش في مصر، الحمد لله قدرت اثبت قدرتي علي البقاء و الولاء للجنس البشري. وكتابتي للكلام ده دليل اني لسه عندي fully-functional brain. 

و هنا يجي السؤال، إيه الي ممكن تعمله في 20 سنة؟ طبعا الموضوع ده نسبي بحت، عشان حياتنا مختلفة جدا و ممكن اكون انا محظوظ عشان قدرت اعمل حاجات انت مقدرتش تعملها. يعني مثلا انا قريت ناس كاتبة حاجات شبه كده (عملوا ايه في كام سنة و كده) كان فيه واحد بريطاني بيؤكد انك لازم تسوق طيارة في حياتك، و انا اصلا مش بعرف اركب عجل. فده كلام (ملوش عازة اصلا).

المهم اني هحاول اقولك ازاي تقدر تعمل الحاجات ديه، مش انا عملت ايه وخلاص. و الحاجات ديه ممكن تعملها في اي 20 سنة من عمرك مش لازم يكونوا ال20 الاوائل، يعني مش هقولك جرب تلعب مع صحابك في الشارع عشان انت ممكن يكون عندك 45 سنة و صراحة لو عملت كده شكلك هيبقي عيل اوي! (بهزر طبعا)

نبتدي بقي، و مفيش ترتيب علي فكرة:

1. سيب البيت،(او علي الاقل عيش فترة لوحدك):

مجتمعنا الي احنا عايشين فيه للأسف مش منفتح بالمرة، ممكن تكون انت محظوظ و عندك عيلة متفتحة (رغم اني اشك) بس علي الاقل انا و أغلب الناس الي اعرفها عندهم نفس المشكلة. وجودك وسط عيلتك بيحرمك من حاجات كتير مش واخد بالك منها. فكرة ان فيه شخص بيعملك كل حاجة و بيخترلك معظم اختياراتك (او اغلبها) ديه مشكلة كبيرة. و متخدعش نفسك و تقول انا بختار اعمل كل حاجة لأن اختيارتك ده زائفة لانها مبنية علي اختيارات هما اختاروها قبل كده. و انت صغير اكيد والدك او والدتك كان بيقولك نصاحب مين و مين لأ، تاكل ازاي، تتكلم ازاي الي اخره، و ده الي بنسميه "تربية". قبل ما تتعصب انا مش بقول ان ده غلط، عشان و انت صغير فالاغلب مش هتكون فاهم صح و مش هتعرف تعمل حاجة، فطبيعي عائلتك "تربيك" علي الحاجات الي هما شايفينها صح او غلط، و بالتالي انت بتكمل حياتك علي نفس الاساسيات ديه، و اختياراتك ديه عاملة زي سؤال في مادة متعرفش عنها اي حاجة بديك 4 اجابات تختار منهم اجابة و بقولك فيهم واحدة صح و انت اختار، بس انت متعرفش حاجة اصلا، ولو انت مزاكر "متربي" هتختار الاجابة الصح الي الكتاب كان بيقول عليها، او الي انت اتربيت عليها. يبقي فين حرية الاختيار بقي. لما هتعيش فترة لوحدك هيبقي الزام عليك تختار كل حاجة، تصحي امتي و تروح شغلك/مدرستك/مشوايرك ولا لأ، تسهر بره البيت ولا لأ، تعمل اي حاجة. مش لازم تسيب البيت تماما (زي ما انا عملت لأن الموضوع ده مش سهل اطلاقا في مجتمعنا) بس لو قعدت فترة كفاية عشان تتعلم ازاي تختار الانسب ليك مش الموجود في الكتاب ساعتها هتكون استفدت كتير جدا. و الموضوع ليه فوايد تانية كتير، زي انها بتخليك شخص مسئول، بتعرفك اكتر علي تفسك، بتخليك تخطط لحياتك و تعرف اكتر عن نفسك.

ازاي تعمل كده بقي؟ ممكن تبتدي بالمنطق يعني تحاول تقنع اهلك بالفكرة بهدوء لو الموضوع فشل دور علي اي سبب ممكن يخليك تبعدعن البيت، شغل، جامعة او مدرسة بعيدة و محتاج تقعد جنبها، سفر، او حتي تروح تاخد كورس او تدريب في اي حاجة بعيدة عن البيت. لو انتي بنت، فالطرق الي فاتت ديه ممكن متنفعش، فهتضطري تروحي تقعدي عن واحدة صاحبتك بعيدة لأي سبب او حتي لو الموضوع قفل خالص روحي لحد من قرايبك الي ممكن تتفاهمي معاه و تقدري تقعدي عندهم فترة. بالمناسبة اجازة الصيف انسب فرصة تعمل/ي كده.

2. اشتغل اي حاجة:

اكيد عايلتك بتصرف عليك طول ما انت عايش معاهم، لو مبيصرفوش عليك بلغ عنهم يا ابتي. فكرة انك تشتغل دي بغص النظر انك هتكتسب مهارت اكيد من الشغل، بس المهم انك هتكسب فلوس، مش كتير طبعا لأنك مش هتشتغل حرامي (او ممكن). بس فكرت انك بتكسب فلوس دي حتي لو قليلة و انك انت الي عملتها هتحسسك انك بقيت جامد جدا (قمة في القمودية) عامل بالظبط زي احساسك اول ما عملت بطاقة، أو اول مرة اشتريت محفظة وحطيت فيها حاجتك، فكرة انك بقيت كبير كفاية و تقدر تعمل فلوس و ان شاء الله تقدر تصرف علي نفسك. و طبعا الفلوس دي ممكن تساعدك تجيب حاجة لنفسك او تجرب تعمل حاجة مكنتش قادر تعملها، يمكن عشان عائلتك مش قادرة تدفعلك (و ده مش عيب) او عشان الحاجة دي ملهاش لازمة بالنسبة لعائلتك زي انك تجيب لعبة جديدة او تروخ تصيف مع صحابك، تجيب سجاير من ورا ابوك، او حتي تعزم صاحبتك علي الغدا. اي كان هتعمل ايه بس هتكون فلوسك انت. بس خلي بالك ان الموضوع ميقلبش معاك و يبقي هدفك تجيب فلوس و خلاص، الفلوس حلوة مفيش كلام بس متخسرش حاجة عشان حبة فلوس (الا لو كانوا حبة كتير).

ازاي تعمل كده؟ الموضوع سهل خالص، انت تتوكل علي الله و تفتح كشك. مصر فيها شغل كتير علي فكرة، المشكلة انه مش بيكسب فلوس تقدر تعيش بيها. عشان كده مش بنصح (بالذات لو انت لسه صغير) انك تتخلي عن مصروف الحاج و تعتمد كليا علي شغلك، الا لما تبدأ تشتغل شغل ثابت. ممكن تشتغل اي حاجة من اول بايع في محل، او كول سنتر، او حتي freelancing.

3. سافر بره مصر:
طبعا مش محتاج اشرح حاجة، انك تطلع من البلد ديه ده شئ ممتع في حد ذاته. السفر بالنسبالي ساعدني كتير. هتتعرف علي ثقافات مختلفة و تتخلص من الوهم عن ان الحياة بره مصر ملائكية مفهاش مشاكل. و طبعا الموضوع هيبقي جميل انك تخرج و تشوف مناظر مختلفة و تعرف ناس جديدة.
بالنسبة لي فكرة السفر كانت صعبة جدا، عشان انا معتمد ماديا علي نفسي و تكاليف السفر للأسف كبيرة بالذات لو عايز تقضي وقت حلو. ده غير ان انا لسه بدرس و الروتين في مصر بيمنعك من السفر في الدراسة غير لأسباب معينة.
الحمد لله ان انا كنت محظوظ كفاية عشان لقيت اكتر من فرصة للسفر،وعرفت اسافر اكتر من مرة بتكاليف قليلة. و هكتب عن موضوع السفر ده ان شاء الله قريب، لأن فيه تفاصيل كتير.
ازاي ممكن تسافر؟ الموضوع مش سهل اوي عشان انت مصري (مبروك) بس مبدأيا فيه اكتر من جهة بتساعدك في موصوع السفر، اه الفرص قليلة و هما بيكونوا متحفظين جدا. أغلب السفارات تقريبا بتقدم برامج تعليمية و ثفافية بتساعدك تسافر للبلد بتاعتها. المسابقات فرصة كويسة جدا للسفر بالذات للطلبة. المؤتمرات العالمية و ال events الكبيرة بتقدم grants عشان ناس تسافر ببلاش/ مثال كاس العالم الي جاي ممكن تتطوع و تسافر هناك و تقعد فترة. و هحاول اجمع افكار كتير و اكتب عنها لوحدها.

4.اتعلم حاجة جديدة و مختلفة:
كل فترة لما بتتعلم اكتر، تفكيرك بيبقي انضج و بتقدر تحكم علي الحاجات بشكل افضل، و طبعا ده شئ نسبي. بس المشكلة ان معظمنا بتبقي خبرته في مجال واحد، يعني مثلا لو انت متخرج من هندسة و فضلت اربع خمس سبع سنين (و ممكن اكتر) كل دراستك ليها علاقة بالهندسة، و لما تتخرج و تحب تزود خبرة اكبر بتعمل ايه؟ بتاخد كورسات في الهندسة برضه، طب كنت بتعمل ايه في التمنتاشر سنة الي فاتوا دول؟ الفكرة المنتشرة عن ازاي تكمل تعليمك (ما بعد الجامعة و ده لو اتعلمت فيها اصلا) هي انك تفضل تاخد تدريبات و كورسات عشان يبقي عندك C.V محترم و تشتغل بفلوس كتير و كده. بس في معظم الحالات بيكون الناتج هو الانسان ال(مدحت شلبي) مش فاهم غير في حاجة واحدة بس و بيفضل يفتي في اي حاجة تانية و معتمد في الفتي ده علي المجال الي هوا متخصص فيه و الي غالبا ملهوش علاقة بالموضوع. عشان كده انا فعلا بانصح انك تدي لنفسك الفرصة انك تتعلم و تكتشف حاجة جديدة، مبدأيا هيبقي عندك فكرة عن اكتر من مجال و تقدر تفهم ايه الي بيحصل حواليك، و طبعا لما هتيجي تفتي هتعرف تتطلع فتي احسن.
بالنسبة لي انا عدت عليا فترة كنت مقتنع ان "اينشتاين" غلط و مش فاهم حاجة (بس لحقت نفسي قبل مرحلة تحطيم النظرية) و ده ببساطة عشان مكنتش قريت او اتعلمت اي حاجة ليها علاقة بالموضوع ده و معتمد علي فهمي للفيزياء بتاعة ثانوية عامة. دلوقتي انا مبسوط اني علي الاقل عندي فكرة عن مواضيع مختلفة، و طبعا كل ما تتعلم اكتر كل ما تعرف اد ايه انت جاهل. من الاخر اتعلم حاجة بره ال comfort zone بتاعتك، لو انت دكتور اتعلم programming مثلا، لو انت مهندس اتعلم project managment مثلا، لو انت تجارة اتعلم graphics design مثلا، و هكذا.
ازاي بقي ديه سهلة، إحنا في عصر ال MOOCs و النت كله مليان كورسات و tutorials مجانا، زي edx.org او coursera.org، و لو بتحب يكون فيه physical interaction بينك و بين المدرب هتلاقي برده training centers كتير.

5. عيش حياتك (جرب مخدرات مثلا):
الصراحة مش لاقي حاجة اختم بيها فقولت افنكس الموضوع ده. المهم اتك تعيش ال 20 سنة دول و جرب حاجات جديدة علي قد ما تقدر، و متحكمش علي حاجة قبل ما تجربها.

Brain Deception - Part 1

Humans are very unique creatures, we have those complex organs we call brains - well at least most of us do. We were born too late to explore earth, and too soon to explore the cosmos, but we are just on time to explore our brains. Accordingly, I'm starting a series of articles -posts- to share my own thoughts, experience, and my own perception of mind. However, I'm not that scientific, I don't have a lab full of rats and elaborate hardware to examine different theories, thus most of my will-be-articles would be based on my own perspective and my humble scientific base, there is no right and wrong, they are just some thoughts; cogitations.

Remember, this is my own blog, this is where I'm supposed to say whatever shit I wanna say. If you are really interested you can share your opinions through comments, but I have the right not to care about any of them.

Let's start from the very beginning, what's a brain? In medicine, you can read books about the anatomy of the organ so-called brain, but philosophically, what's a brain? Imagine that we have created such a device or machine that can understands every human word, expression, or move. And it -that device- can find a proper response or reaction to it, similar to Siri or Cortana but much more massive, can we call it -the device- a brainy? Many would argue yes it's a brainy device and soon computer scientists will be able to build such a device. Here's what I think, having a system that can wittingly respond to any set of inputs doesn't necessarily mean that it has a brain, and the opposite is also true. John Searle, an american philosopher, came up with the Chinese room experiment. John argued that if he was locked in a room, mentioning that he understands no written or spoken Chinese, and he had some instructions in English that shows how to correlate a set of formal symbols (Chinese) to another set of formal symbols, then he will be able to respond to any question or inquiry in Chinese, and people outside the room will have no idea that the person responding to them doesn't understand the Chinese language. In that sense, writing a program that can intelligently answer questions or calculate stuff, doesn't make it brainy, in fact we better call it a zombie machine. John still doesn't understand chinese, and such a machine is just following instructions.

Even living organisms can experience such a no-brainer activity. Imagine that your have touched a hot surface, your oven for example, your hand will instantaneously react, your muscles will move your hand away from the hot surface. In situation like this, your body can not wait to send signals to your brain and wait for the response, contrariwise your muscle reflexes save you from burning your hand, it's all programmed in your muscle memory. Tossing some salt to a fresh corpse of a fish or a frog will make it move, it needs no brain to tell it what to do. Energy stored as ATP in muscle cells will be activated by the absorption of sodium ions from the salt, exactly as if the muscle was controlled by a brain. Zombies in Sci-Fi movies do the same, they can recognize humans, mark them as their next meal, attack them, eat them, and then continue doing that. Arguing that smart AI systems are equal to our brains, is the same as arguing that zombies do have a brain.

After all of this, it's really hard to describe what does it feel to have a brain, in fact it's impossible. For me it's that feeling that I am watching and experiencing everything through that body of mine, and I know that no one will ever be able to view things or experience them exactly as I do. It's me having my own thoughts, dreams, and lusts. All of this is forming my own consciousnesses. But for you, perhaps I'm just a robot, or a smart writer programmed by the smartest programmers out their, I can't prove it. Can you?!